Back Narsistiese persoonlikheidsteuring Afrikaans اضطراب الشخصية النرجسية Arabic Narsistik şəxsiyyət pozuntusu Azerbaijani نارسیسیستیک کیشیلیک بوزوکلوگو AZB Нарцистично личностно разстройство Bulgarian আত্মরতিমূলক ব্যক্তিত্ব ব্যাধি Bengali/Bangla Trastorn narcisista de la personalitat Catalan Narcissistisk personlighedsstruktur Danish Narzisstische Persönlichkeitsstörung German Narcissistic personality disorder English
| Narcisisma personeca perturbo | |
|---|---|
| malsano | |
La narcisisma personeca perturbo (NPP) estas longdaŭra ŝablono de nenormala konduto karakterizata per troaj sentoj pri memgraveco, troa bezono de admiro, kaj manko de kompreno pri la sentoj de aliaj.[1][2] Homoj kun NPP ofte pasigas multe da tempo pensante pri atingo de potenco aŭ sukceso, aŭ pri sia aspekto. Ili ofte siacele utiligas la homojn ĉirkaŭ ili. Tiu konduto tipe komencas antaŭ aŭ dum la junaĝo, kaj okazas tra diversaj situacioj.[2]
La kaŭzo de la narcisisma personeca perturbo estas nekonata.[3] Ĝi estas personeca perturbo klasigita en la grupo B fare de la Diagnoza kaj Statistika Manlibro de Mensaj Malordoj.[2] Diagnozo devas esti farita de sanprizorga profesiulo per intervjuo de la pridemandata homo.[1] La kondiĉo nepre devas esti distingita de dupolusa manio kaj drog-misuza perturbo.[2]
Kuracoj ankoraŭ ne estis bone studitaj. Psikoterapio ofte estas malfacila pro tio, ke homoj kun la perturbo ofte ne opinias, ke ili havas problemon.[1] La personecon unue priskribis Robert Waelder en 1925, sed la nunan nomon por la kondiĉo oni ekuzis en 1968.[4] Psikologoj taksas, ke ĉirkaŭ unu elcento da homoj havas la malsanon iam en sia vivo.[3] Ĝi ŝajnas okazi pli ofte en viroj ol en virinoj kaj en junuloj pli ofte ol en maljunuloj.[1][2]
- ↑ 1,0 1,1 1,2 1,3 Caligor, E; KN Levy kaj FE Yeomans (Majo 2015). “Narcissistic personality disorder: diagnostic and clinical challenges.”, The American Journal of Psychiatry 172 (5), p. 415–22. doi:10.1176/appi.ajp.2014.14060723.
- ↑ 2,0 2,1 2,2 2,3 2,4 (2013) Diagnostic and statistical manual of mental disorders : DSM-5, 5‑a eldono, p. 645, 669–72. ISBN 9780890425558.
- ↑ 3,0 3,1 Sederer, Lloyd I.. (2009) Blueprints psychiatry, 5‑a eldono, p. 29. ISBN 9780781782531.
- ↑ O'Donohue, William. (2007) Personality disorders : toward the DSM-V, p. 235. ISBN 9781412904223.